(Seymur Baycan üçün)

Semir, haydı

Özümüzə qoyun ətindən qadın yaratmağın vaxtı gəldi

Əti insan ətindən olanlar çox ucuzdur

Ən bahalıları gecə barlarındadır

Vaxtı gəldi, dostumuzu adamlara göstərib deməyin:

- tanış olun, dostumdur, xalis at ətindəndir, özüm yoğurmuşam

Səni bоşаyаndаn sоnrа
Bеkаrçılıqdаn ən düşük rоmаnlаrı охudum,
ən sаrsаq şаirləri əzbərlədim
bаğışlаdığın sааtı dа
bir ахşаm «Sаhil bаğı»dа qоlumdаn аçıb
şаm аğаcının budаğınа bаğlаdım.
Günоrtаnın istisində еvimizin çаrdаğınа çıхıb
Nəfəsli musiqi аlətlərində ifа оlunаn
zəhləmgеtmiş muğаmаtlаrı dinlədim

Aqşinin çap olunmamış yazısı

Adətən şərq nağıllarında ara qarışıb, məzhəb itəndə, it yiyəsini tanımayanda qəfildən qibleyi-aləm adlı bir şəxs peyda olur. Ekstermal stuasiyalar ustası olan bu məxluq iki daşın arasında hər şeyi səhmana salır. Divi Məlikməmmədə bacanaq etməkdən tutmuş, Cırtdanın nənəsini ərə verməyə qədər bütün diplomatik vasitələrə əl ataraq nağılda ictimia asayişi Yaşar Əliyev kimi bərpa edir. Bir hekayəmdə qibleyi-aləm haqqında yazdıqlarımı təkrar yazmaq zorundayam. Çünki anadangəlmə müdrik xalqımızın kitab oxumaqdan zəndeyi-zəhləsi gedir. Uzaq başı, köşə oxuyur.

«Anar, Əkrəm Əylisli, Maqsud İbrahimbəyov ziyalıdırlarsa, qoy onda ziyalı olduqlarını göstərsinlər»

Son günlər Azərbaycanda baş verən hadisələrə (jurnalistlərin döyülməsi, bıçaqlanması, həbsi və telekanalların birtərəfli mövqeyi) ziyalıların münasibəti müxtəlifdir. Maqsud İbrahimbəyov «mən ziyalı deyiləm, bu barədə heç nə deyə bilmərəm», Əkrəm Əylisli «mənim sual-cavabla işim yoxdur» kimi münasibət bildiriblər. Ortaya maraqlı sual çıxıb: Azərbaycanda ziyalı kimdir? Bu adla müraciət olunan adamlara münasibət necə olmalıdır? Mövzu ilə bağlı  gənc yazar Aqşinin fikirlərini öyrənmişik. 

-

Və ya yazar Aqşinlə mühacirət mövzusunda söhbət

Vaxt yoxluğundan layihəmi çoxdandır davam etdirə bilmirdim. Söz vermişdim oxuculara, imtahanlar bitər-bitməz yeni yazılarla onların qarşısına gələcəm. Amma Allah tənbəlliyimi kəssin. Heç yazmağa həvəsim yox idi.
   Uzun zamandır görüşmədiyim dostum şair Aqşinə zəng etdim, görüşdük onunla, bir dənə çaxır, bir dənə də 6 manatlıq “Monarxiya” arağı götürüb qalxdıq altıncı mərtəbəyə. Yolda çaxır əlimizdən düşüb sındı- qana boyandı yer. Monarxiya öz sözünü dedi.
   Aqşinə halaldı, vallah. Ona ərə gələcək qızın heç dərdi olmayacaq. Adam bir dadlı yeməklər bişirir ki, gəl görəsən. Söhbət edə-edə hinduşka supu bişirdi. “Ya Allah” deyib oturduq süfrəyə.
   Seymur Baycan həmişə Aqşin haqqında deyir ki,

 

Ehey… ağ tavandan asılmış insan
bir addım göylərə qısılmış insan
ruhum qoymur məni su dağıtmağa.

Susur pişiklərin intim səsləri
sınmış pəncərədə əl kəsir gecə
bu gecə qadınla olmağım gəlir
ruhum qoymur məni su dağıtmağa.

Kimi öldürüm ki bu gecə vaxtı
sabah ağlamağa bəhanəm olsun.

Ucuz kafelərdə yoxsul dostlarım
allahı danırlar göz yaşlarıyla
küncdəki masada fahişə qızlar
kişi belindən
ağlaşa-ağlaşa gələn
uşaqlara qıyan
bu qatil analar
bu ac qansızlar
laqqırtı vururlar bekarçılıqdan
ruhum qoymur məni su dağıtmağa
əlimlə ölçürəm sözümün boyun.

Kişi gül şəkli çəkməz!

"Milli burjua" "5 qəpiklik" insanların taleyini Tağı Əhmədova tapşırıb

    Rus lotusu Jirinovskinin "Heydər Əliyevin yeddi milyon qoyunu var" dediyi günlərdən elə də çox vaxt keçməyib. Koroğlunun kopoyoğluluqla çörək pulu qazandığı bir dövrdə, keçən həftə - sifətindən zəhrimar yağan axşamçağıların birində metroya düşəndə Jirinovskinin bu məhşur kəlamlarını xatırladım.
    Qaraqabaq sakinlər, sırtıq və savadsız tələbələr, şalvarın ən balacasını, eynəyin ən yekəsini geyinib bu basabasda Argentinanın başdanxarab serial qəhrəmanları kimi yeriyən "üstü bəzək, altı təzək" qızlar sel kimi yerin altına axışır. Girişdəcə xalqımız özünün tərbiyəsizliyini nümayiş etdirir. Jeton uğrunda ölüm-dirim mübarizəsi gedir. Növbəyə-zada duran yoxdur.

Həqiqi Çe Gevaranın ölüm gününə həsr olunur

    Alman süpürgəçi Fixte tez-tez deyirdi: «Bərabərlik işarəsi riyaziyyat elminin fırıldağıdır, həyatda bir-birinə bərabər olan heç nə yoxdur». Milli solçularımız haqqında yazarkən kimdənsə sitat gətirməmək, müsəlmanı salavatsız basdırmaq kimi bir şeydir. Arif Rəhimzadə demiş, kimsə də deyirsə də kın, azərbaycanlıdan solçu çıxmaz, o, adam ermənidir. Baxmayaraq kın, artıq dünyada bu inadkar avanturistlərin nəsli kəsilmək üzrədir, bizim uzaqvuran xalq barmağı gicgahında düşünərək indi-indi özünün südəmər, tumançaq solçularını yetişdirir. Bu ölsün, (müəllif üzünə yüngülcə bir şillə vurur), mənə həmişə elə gəlib kın, azərbaycanlı məzmunca, xaraktercə solçu ola bilməz. Olsa-olsa, bekarçılıqdan, avaraçılıqdan, çayxanalarda (səyxanalarda) xoruz kimi pırpızlanmaq üçün solaxay danışar. Azərbaycanlı ona görə solçuluğun quyruğundan yapışar kın, böyüyəndə sağçı olsun, ata-anasının üzünü əhəngləyib ağartsın. Bütün bəşəri ideyalar azərbaycanlı üçün çörək ağacıdır, o cümlədən solçuluq. Azərbaycanlı üçün çörək nədən çıxırsa, ideya da odur. Azərbaycanlı şair vətənin basılmazlığını çörəyin bolluğu ilə şərtləndirir, halbuki onun vətənini həmişə çörəyi bol olanda basmarlayıblar. Azərbaycanda insanlar arasındakı sinfi bərabərsizlikdən də ən çox şikayətlənən ən varlı azərbaycanlıdır. Azərbaycanlı mavi öz maviliyini boynuna almaqdan qorxduğu kimi, azərbaycanlı milyoner də öz milyonerliyini ört-basdır edir, çünki onları maviliyə və milyonerliyə aparan yollar çox şübhəlidir.

And içə bilərəm ki, bu dəqiqə ən son model cib telefonu ən avara azərbaycanlıdadır

    Əziz azərbaycanlılar!
    Xalq və fərd haqqında düşünəndə ağlıma gələn ilk sual bu olur: «nəticədə - mətbəxtdən - gələn qoxu hansına məxsusdur, balığa, yoxsa dənizə?. Balıqmı dəniz qoxuyur, yoxsa dənizdən balıq iyi gəlir?»
    İlk köşədə xalqın və fərdin xarakteri barədə yazmaq istəyirdim, çünki bizdə belə bir tabu var ki, xalq, onun xarakteri, mentaliteti, adət-ənənələri müzakirə oluna bilməz. Xalq faili-muxtardır. Bu, yanlış fikirdir, məncə. Azərbaycanda tayfa-klan, irtica, korrupsiyalaşmış siyasi hakimiyyət probleminin mənbəyi Azərbaycanda xalq probleminin olmasıdır. Fələstin xalqına televiziya ekranlarında gözucu baxmaq yetər ki, bu xalqın özündən başqa probleminin olmadığını düşünəsən.